PERilBENEdiTUTTI SARDINSIEME UNITI e COESI PER DIRE

(SI) ALLA SARDEGNA CORTESE e OSPITALE

(NO) ALLE BALLE DI ALIGA DEGLI ALIGADORES

(NO) ALLA PREPOTENZA dei GOVERNATORI BARONI

(NO) ALLA FALSA EMERGENZA dei MONDEZZAI

a cuddos, ch'in favore de sa patria han peroradu
chi s'ispada hana 'ogadu pro sa causa comune
o a su zugu sa fune cherian ponner meschinos
o comente a giacobinos los cherian massacrare...
però su chelu ha' difesu sos bonos visibilmente
atterradu ha' su potente ei s'umile esaltadu...
deus, chi s'es declaradu pro custa patria nostra
de ogn'insidia 'ostra isse nos hat a salvare...

perfidu feudatariu pro interesse privadu
protettore declaradu ses de su piemontesu
cun issu ti fist'intesu cun meda fazilidade
isse pàppada in zittade e tue in bidda a porfia
fi' pro sos piemontesos sa sardigna una cuccagna
che in sas indias s'ispagna issos s'incontrant inoghe
nos alzaia' sa 'oghe finzas unu camareri
o plebeu e cavaglieri si deviat umiliare

issos dae custa terra ch'hana 'ogadu miliones
benian senza carzones e si nd'andaian gallonados
mai ch'esserent istados chi ch'hana postu su fogu
malaitu cuddu logu chi creia' tale zenia
issos inoghe incontràna vantaggiosos imeneos
pro issos fin sos impleos, pro issos fin sos onores
sas diguidades mazores de cheia, toga e ispada
e a su sardu restàda una fune a s'impiccare...

sos disculos nos mandàna pro castigu e curressione
cun paga e cun pensione, cun impleu e cun patente
In moscovia tale zente si mandat a siberia
pro chi morza' de miseria però non pro guvernare...

barones, sa tirannia, procurade 'e moderare
procurade 'e moderare barones sa tirannia
barones sa tirannia procurade 'e moderare
procurade 'e moderare barones, sa tirannia...

chi si non pro vida mia torrades a peis'in terra